孫燕姿演唱會

睇第一場，買左二百蚊飛，不過個位都好山頂下....仲要俾set燈阻住個screen，搞到我成晚真係淨聽歌>.<
十萬個好聽，聽live好似聽cd咁，不過揀歌我覺得就麻麻啦，我覺得d快歌多得滯，孫燕姿嘛，都仲係唱慢歌好聽d。個種溫柔、婉約、蕩氣徊腸，實在係繞樑三日....聽多場都抵!!返到屋企即刻怒煲孫燕姿全集:p
全晚最靚係一套黃色大露背晚裝，可惜坐得太遠啦，影唔到....:p

呢世仔睇過三次演唱會，發覺有一個共通點...就係次次都有準備好既"en-call"(唔識串:p)，都係既，要黎滿足慌死"sit"抵既香港同胞，個演唱會完左再送多兩首好似抵d咁呀嘛....明既。不過，如果個個演唱會都做到咁，大家都預左既時候，就好似有d無謂，不如唱埋個兩首歌散場好過

辦公室小記

返左工之後好似少左好多私人生活咁，依家日記寫黎寫去都係office既野，好似唔係好健康咁喎.....
同之前返學比，都仲係覺得返學忙d，不過話曬同班fd一齊嘛，係公司度要做到fd，真係好難家....所以我都珍惜依家呢班可以一齊玩得埋既同事(當然仲有班舊公司既同事啦:p)

習慣左帶notebook返屋企，將我公司部腦變埋做私人腦:p
煲左好耐既調位大行動下星期應該會落實啦....不過...新位又迫，又冇櫃桶，又冇電話，又冇partition，十萬個唔方便喎......唔，係時候要幫我個舊位影返輯相啦....

九月，有d人走，又有d新人黎，不過我已經提唔起興趣去識個d人啦....人脈倒退tim....不過，都應該唔夠新黎個秘書勁，黎得個兩個星期，我問十個十個都唔多liky佢，包括我啦...睇怕除左老細....都冇乜人頂得佢順

黎緊會係我搞function既大日子....睇黎都有兩三個月唔得閒家啦.....衝埋呢年佢，明年會更好呀!