Material List

唔....突然間好多野想買tim...
1. 拖鞋
2. 皮鞋
3. 恤衫
4. 電話 (唔....諗緊買唔買pda phone....)
5. dslr相機 (因為我阿媽新買個部實在太少手動function啦>.<)

唔....電話同相機就仲諗緊，其他個d都必買咁滯家啦

唉，唔怪得我會草唔到錢..:p

近況

呢排上網都唔知做乜，好似與世隔絕咁，成個星期冇上過newsgroup吹水，冇睇od又冇寫od，好似俾人迷暈左咁

公司又有重大變動，有人走又有人黎，不過估唔到黎我地team既會係個女仔，哈哈。
仲係努力不懈咁搵緊工，但係睇黎想做返programmer真係有d難度.....呢排見左一兩份programmer工，但係一見到佢地個technical test 就頭都痕埋。琴日先好笑，個老細俾左份test我同我講話一個鐘之內就好做完俾佢，點知我過左三個字就同佢講唔識，我諗佢都啞曬:p anyway，我諗依家都係focus返搵d ba既工，我諗個style都幾似我想做既野。programmer....都係算啦

今日都同左個senior傾關於career既問題，佢都用左個好好既比喻，不過....費事係度打啦，好鬼長。

上個星期六走左去試360，唔，個view幾好，但係天氣要好清先靚。返黎個時就勁大霧，能見度<5m，好似去左仙境咁，哈哈。不過如果大家去千祈唔好入個靈猴影院，搵鬼笨既，$35睇套10mins"勁有教育意義"既片，把鬼﹗同埋...相信開張時肯定等超耐先上到車，試車咁少人(其實都唔少，我估個時都有三四百到)都等好耐
個日行程如下:
2:30pm 灣仔-->東涌-->昂坪(十分鐘馬騮戲)-->東涌-->九龍灣7:45pm
咁就唔見左一個下晝啦


唉
依家真係有d唔sure自己條路應該點行tim，夠竟我點先可以唔洗做 full time programmer但係又可以有development 經驗?好似有d貪心tim，想不勞而穫，但係...我真係唔知應該點做先岩=.=
我諗我仲要d時間諗諗......