倒數三日

仲有三日就出發
但係就冇想像中咁開心
公司超勁多野做!!忙到癲左，苗圃度又要交低d野
仲要報master....shit!
我做唔做得曬咁多野?

唉，一件行李都仲未執過呀.....

終於轉perm

勁開心~
雖然人工冇加到
但係都係一種鼓勵黎既:p

但係轉左perm之後第一日我就唔係香港喎....咁搞鬼 :o

西藏倒數

最後十日倒數，31號會返廣州，1號飛，好緊張，希望一切順切，高山反應唔好咁勁，影多d靚相....

開始食紅景天，又不停地買野，d $$好似倒水咁....
星期六日shopping list:
-gitzo 腳架連ball head
-mountain wolf 75 L背包
-optic nerve 墨超
加上之前買既columbia雪褸....我條卡數真係甘到爆爆爆呀
不過,,,,為左去西蔵，一切都係值得既，所有野都諗住好耐先買，應該有買貴冇買錯瓜....

遲d補返d相

非人生活

好耐冇打過日記....因為上星期係公司通左幾晚
搞個problem搞左好耐好耐，連大老細、細老細都一齊通埋
上星期五晚仲諗住放左工同d同事去打牌，點鬼知就係放唔到啦....通左第一晚
星期六朝早六半走，九點返到去，恰左個零鐘，夜晚十二點零走，星期日十一點再返去，星期一朝早諗住搞掂啦，返去訓。星期二六半返左ver野，點知都仲係未得，通埋第三晚，終於都搞掂!!
好大鑊，第一次救鑊救到咁樣樣。但係睇到我地個大老闆超好，佢真係會陪你一齊捱囉，我地班細既係度做野個時，佢會幫你頂住曬d客既問題，又會幫你一齊諗，俾到direction你，係你通到諗唔到野既時候真係好重要家(通左兩晚之後我真係乜都諗唔到....)，仲會照顧埋你既三餐，你都未肚餓就買定野俾你食，實在係超感動，除左「好」之外我諗唔到第d形容詞啦，我中文差啦.....
撞著個咁既老細真係冇野好講，真係捱都捱得心甘命抵d啦!!