十二月行程

15-18/12 北京，公幹
25-28/12 北京，探雷琳
28-31/12 廈門，回鄉省親
31/12 - 4/1 上海，探paulli同埋jade

雖然洗錢，但係...人際關係對我黎講比錢更重要=D

懷緬過去

明明都未七老八十
明明都仲有大把野未做過
明明都仲有大把青春

點解呢排我會係咁睇返以前d相係度緬懷一返?
唔係好明..........

唔通真係呢份工既問題?
發覺成個性格都俾佢改變左，我就黎變到好摺家啦....
第日我要改名做摺飛啦-_-

生日快樂...

又老一年了
最近總是提不起勁，工作提不起勁，讀書提不起勁，生活也提不起勁。不知怎的，一大堆的工作等著我，可是我去處理的興緻總是不大，到底我在幹甚麼......好像有力沒有地方使似的，壓得我喘不過氣來。

生日，在網路世界收到各方好友的祝福，多謝各位 =D

星期六晚去看了陳綺貞的演唱會，一個手風琴、一把木結他、一把甜美的聲音，已經令我很滿足了，自已反而不太喜歡中間rock得太利害的一段，不過要帶起全場的氣氛，也只能如此了。沒有帶相機去，專心聽歌，感覺很好(其實我買最平的票，相信帶大白去也拍不了甚麼....)。陳綺貞不算是很流行的歌手，也不是寫了太多歌，當晚聽的歌有很多都是中學時代聽過的，也勾起了不少回憶。

由畢業到現在，好像在工作上沒有了那團火，以為換工作轉環境會好一些，豈知更加沒勁，到底我發生了甚麼事?今年願望...希望可以重拾這團火，不是為上位，只是....如果沒有火，做事會很不高興，畢竟，工作還是佔我人生的三分一時間，應該要將它變得更高興，更有趣才是。

雙月記

美國返黎之後不經不覺咁就係香港牛左兩個月

係人地既眼中，我份工真係荀到爆，可以唔洗返公司，可以好多時間搵呢個食飯搵個個食飯，又冇乜野做。但係....可能係我犯賤啦，冇野做對我黎講係好辛苦，輕則胡思亂想，重得愈做愈hea，而hea到之後會pick up唔返做野既感覺，但係好老實講，依家己經有少少後者既感覺，日日做野既時間可能係三四個鐘到，之後d時間就要黎做功課，fb，msn，好似好無謂咁，我已經係度諗緊一年後咁出返去死硬，搵唔到工都似....

唉，不過今個sem個project真係幾demanding，requirement五時花六時變，今個星期做完，下星期又話唔岩，好似做黎做去都唔岩咁，成組都好frustrate，tutor同prof講既野又唔一樣，但係tutor講錯，prof又唔會話佢，只會話我地，真係好難搞

快d捱埋個十一月算啦，放過我地!!

睇返美國d相....

好似...張張都差唔多咁
要點先可以突破到依家個框框?
成日係forum睇到d超靚既相....點解我好似影來影去都係咁><

美國training之旅其五

岩岩過左係度最後一個weekend，呢個weekend都係去左ny同埋nj，不過唔係去玩，係去探人
第一站係去ny搵阿豪，佢帶左我行soho同第五大道，仲請左我食餐好好食既brunch =D，多謝曬!!

同阿豪行到四點幾就出發第二站，nj既auntie，去個度住左一晚，好好招呼，搞到我幾鬼唔好意思><夜晚又食bbq又食龍蝦咁，第二日lunch就去左佢地屋企開既日本餐廳食，又係飽到出唔到聲。呢三餐好似想補返我平時冇啖好食咁，真係好正:p
佢地間屋真係好靚，仲有個後花園係四五間屋share，環境好空氣又清新，生活悠閒，閒時放下狗曬下太陽就一日，我諗我黎度假兩個星期都ok既，但係長年叫我過呢d生活真係唔得掂!!

星期日下晝三點幾就返返ny，朱偉豪竟然有班機飛ny，咁梗係要搵佢飲返杯野咁啦~由於下晝食得太飽既關係，我飲左支啤酒食左少少appertizer就當夜晚啦。hea到八點幾搵尾班巴士返酒店就結束左係度最後一個weekend啦，最開心都係呢個~

返埋聽日工後日就可以上機返黎啦，好期待!

美國training之旅其四

星期六五點起身，趕六點既巴士出New York, 天都未光就出發，班車仲要好貴($57來回，china town bus $20來回jar!!)不過係幾快既，個半鐘就出到去。七點半，我己經身在New York啦。去到要等到九點check in左先，唔係會俾人收charge，所以就買左張地鐵1day pass，去左hostel附近搵早餐食，去到一間類似茶餐廳既野食早餐，估唔到….呢餐就係我成個trip食得最好個餐，嗚嗚。九點，check in搞搞下都搞到成九點半，跟住出返去買特價飛睇musical，揀左mamamia，不過張飛好貴，六五折左都要$84，好肉赤，不過一世人一次豪俾佢啦。十一點到買完飛就走左去寄明信片，諗住半個鐘搞掂去行moma啦，點知搵左半個鐘既post office….係冇郵票賣的!!!!!頂呀!!!超慶，再用多差唔多九個字去到郵政總局先搞掂曬。搞得黎十二點幾，我仲要趕住睇兩點場家嘛><
得返個零鐘行moma，冇計啦，都要行，由於時間關係，我就由photography個層二樓行起，不過，d野唔係好吸引，最啤一聲既係….有一堆展品好似就咁貼幅牆紙咁，啞曬。行埋三四樓，都唔多特別，行到點零鐘，夠鐘就過去睇musical啦。Mamamia真係超好睇，live band加真人唱，最尾成班人一齊起曬身拍曬手，好似去左睇演唱會咁，$84張飛係貴，不過值!!發覺外國人睇話劇係casual過香港人，係場內有cocktail，入場前同intermission可以飲返兩杯，幾relax~


真係天未光就出發家

豐盛既早餐

nyc地鐵都幾污漕

郵政總局

超好睇


睇完musical，就去左炮台公園睇自由神像啦，不過係入去之前，去左探wall street牛牛，作為一個finance既學生，黎到wall street點可以唔去? 入到公園，行去海邊，終於見到自由神像啦，雖然離左九丈遠。行行下好有衝動去俾錢游船河，但係…再行行下竟然見到free既船就黎拍岸，所以就ban ban聲去左游免費船河啦，咁當然，免費船河都係離左九丈遠啦。一來一回既船河要成個鐘，返黎個程仲睇到日落，十個靚。行程緊湊，鏡頭一轉我就去左在克籣大橋諗住睇埋日落既餘暉，點知….竟然唔岩方向!!行到死死下又冇食晏，開始頂唔順，要去搵定食野啦，本來同事推介左一間平靚正既餐廳，又係行餐飽先去得到，但係…去到成九點鐘都仲要等位，唉，為左爭取時間過top of the rock，所以我冇等到就閃左，係街邊買左個$5burger，十五分鐘食完又再起行啦。去到top of the rock成十點，洗左成$18入去，諗住可以影返夠本啦，點知….d staff話唔俾開腳，頂呀!!我揹左成日既閃同腳就係諗住呢下用家嘛，激死我，個景係靚呀，但係唔俾開腳點影呀-_-就話safety reason唔俾開，但係…俾我睇到official開左支腳幫人影相，$25一張囉，呢個先係真正既原因啦!既然你唔俾開，嬲嬲地我就行返去time square個邊影啦，不過，捱唔到去42街，行到47街真係超攰，求其整左幾張就返hostel啦。

牛牛

自由神像

Brooklyn Bridge

from top of the rock

time square

第二日訓左死豬咁，九點先識起身，搞得呢樣個樣得黎都成九點九先出到門口，是日既第一站係museum of natural history，同我expect既差唔多啦，睇下動物、化石呀之類咁，都幾好睇既。行到點零已經好攰，出左去買熱狗食，諗住會好大隻啦，點知細隻到死><，不過算啦，好又一餐唔好又一餐，坐係中央公園出面咬完隻狗就去下一站啦。其實今日真係好攰，所以係諗住趕完曬d行程早一班車返酒店既。所以拿拿聲穿過個中央公園去第二站metropolitan museum of art，點知….行行下搵唔到路，又問人又盛咁搞左超耐先去得到第二站。開頭以為會好悶，點知行行下都幾得意，我差唔多skip曬d art既野，走左去睇armor，埃及，希臘神像呀咁，都幾好睇，最啤一聲既係，有個中國園林係入面囉><
行到四點零就閃人去埋最後一站就返去啦，呢個時候先黎落雨，我行左五六個block到上左地鐵，之後去左中央車站，又係求其整左幾張，之後太太太累啦，所以求其買左個快餐就上車返酒店(你冇估錯，又係burger+fries!!)

Museum of Natural History

Central Park

Metropolitan museum of Art

Central Station


有樣野超慶，話說我個電話冇曬電，咁咪係車站打公共電話call定的士啦，叫佢兩個鐘之後黎接我，點知佢係咁話叫我黎到打俾佢，頂你呀，我有電我先打到家，同佢講講下佢叫我等陣，以為佢幫我搵車，點q知佢飛左去第架的士度，最後第三架先”好似”肯接，好明顯，我落車之後梗係見唔到的士啦!咁就問左隔離個黑人借電話打，咁佢話不如我車你返去，咪call 的士，以為咁好，點知返到去….佢老味收我錢，唉…………我實在係太天真啦，邊有咁好人家。

總括黎講，呢個trip行左好多地方，算係幾efficient，不過對自己太差啦，又攰，又食得唔好，下次都係唔好咁辛苦……

到今日我就倒數7日啦，就快返啦~~~

美國training之旅其三

過左去個星期六日去左dc行左轉，話曬都係首都，點都要俾下面既。
晨早六點幾起左身出費城唐人行搭巴士過去。去到都成十二點幾，去左hostel checkin就諗住去行museum。黎左美國咁耐都未食過m記好似唔係好對得住自己，所以lunch就去食左個double chess burger餐，一樣既包+fries+汔水，盛惠$9，圍返港紙成$70，又唔係特別好食，我個人認為足三兩好食d，又平一半:p

呢個就係metro center station啦

食完就入去行aero & space museum, 都幾好睇，好似入左太空館+科學館咁。行到四點零諗住走，點知開始落雨，落落下仲要落狗屎，咁就唯有係mc cafe度坐到停雨為止....
去到差唔多六點，終於停雨啦，於是乎走馬看花咁行左幾個景點，capitol，二次大戰紀念埤，林肯紀念堂。影埋日落都成九點鐘，返左唐人街食夜晚，都係貴+唔好食。

七十蚊既麥記餐






好多飛機家


行完就落雨-_-


落左個零鐘就好天啦


隻鴨插曬水咁，點呀?


好英!!




國會呀






第二日本來諗住去行動物園既，不過最後變左去行白宮，再去pentagon，食埋晏又差唔多返去，基本上呢日都行得幾hea。

白宮

呢隻松鼠一d都唔驚人

冒死影家呢張!!


時間一跳講返今日，本來去左踩單車，點知踩左一半就落狗屎，濕到嘔!!

唉我就黎頂唔順日日放工返酒店既生活家啦><

ps今日收到蒲姐支鏡，多謝曬~

久違了的....

籃球
感覺真好 =D

美國training之旅其二

過左一個星期冇朋友，放工返屋企食自己既生活之後，終於到到第一個weekend啦

星期六訓到黃朝白晏先起身，等岑幗菁過黎搵我，估唔到今次咁橋，黎training個地方離佢住既地方唔遠，跟住一齊過左費城唐人街度食飯。去到坐低同是頭婆傾起原來佢都係香港人，嗌左幾樣餸食，最尾都食唔曬，要打包。食完飯就周街行下，china town, love park, 15th ave, city hall. 本來諗住去old city個邊，但係行錯左路，去左city hall，不過都冇所謂，都係至在一齊行下jei。行到八點幾九點就返china town食飯，咁就一日啦。

旺角站!!(米籣站d friend)

終於有餐似返d樣家啦

呢架都係的士黎家






星期日早左起身，有個同事好好地帶我行down town，去左university of pennsylvania, drexel university. 下晝同佢朋友同埋岑幗菁一齊食lunch，諗住食完lunch過去 old city，點知食食下落大雨，所以就postphone左個行程。好在最後都可以去個度行下，d街、屋仲係保留返美國獨立前咁既樣，古色古香咁，不過我對美國歷史就麻麻地認識，所以都冇乜feel，求其影下相就走。夜晚都係唐人街搞掂，去左食越南野，不過十個難食....食完飲左杯野就返酒店啦。






ps...今日發覺支17-85打左柴....估唔到係呢個時候....唔知旅游保賠唔賠呢...十個灰

美國training之旅其一

係好突然既情況底下，我個美國training忽然間提早左一個星期，都冇乜心理準備就過左黎啦

廿一號上機，撞正sarah返夜，我又早機，於是乎佢就成為左唯一送我機既人啦，哈哈。今次好在早左少少check in同到機場，cathy真係多人到癲，就算我早一日check in左都有排排，不過好在搵到個窗口位，但係....原來真係好辛苦，想去洗 手間個時又唔想煩到隔離，所以成程機都冇乜點去，都唔夠膽點飲水.....
十五個鐘機之後去到nyc，再搭兩個鐘車先去到我今次既目的地，horsham，累到嘔泡，所以係wendy's食左個包burger餐就沖涼大覺訓啦(嗌左個small combo但係都食唔曬d薯條...)

第二日正式返工，不過所謂既training都唔係咩formal既堂，只係join埋佢地一齊開會咁，有咩唔明先問，咁....梗係十句有七句唔明啦....不過都好在take左個finance既course先不至於完全唔明。由於唔識開車既關係....所以晚飯就出左去一個要行廿分鐘既地方食，已經係最近家啦!!

第三日，返工都係冇乜特別，不過放工就有同事車左我去wallmart血拼，咁我就入定貨唔洗行咁遠食飯，而又有另一個同事好好地借左架單車俾我，但係....由於我冇乜路面經驗，係附近踩左一陣就收皮啦。是日近七點零八點就訓到死左....十二點先識起身食夜晚，跟住諗住裝ps，點知....搞到部機中左spyware....麻x煩!!

第四日，開會...scan spyware...仲係清唔曬，不過已經開始覺得日日放左工就返酒店既生活實在係悶到嘔，要搵d有意義既野做下，所以開始寫返日本既游記，密切注意:p

相未upload到上picasa，所以...後補，有興趣上fb睇住先啦

Last Day came

今日終於last day啦~
=D

Last Day Count Down

仲有兩日就會完結我係ibm既生活
冇想象中咁唔捨得，始終呢度既人同事我都對足三年半，就黎要過一個新環境，反而有少少不安。
不過，點都冇得返轉頭家啦，再唔出去闖下就會成世係度家啦!!新公司老細飛左黎香港，但係基本上所有admin野都係未firm的，所以呢兩日要好好把握機會搞掂曬佢!

兩日後亦都會係我第一次去既日本團，亦都冇想象中開心，可能近排d股票實在跌得太多，麻木曬冇曬感覺。希望到時開開心心咁玩啦~

同陽光玩游戲

上星期一去左三星灣游水，本來呢個係post exam function, 點知因為黑雨既關係，考試postphone左，咁...呢次去玩都有d唔安心 :p

話說今次去玩都約得幾晏，十一點半係mk集合，食晏，入到去settle down都差唔多兩點半，個度d水都幾幹淨，起碼浮埋黎個d係樹枝唔係垃圾呀>< 唯一可惜少少既係個灘好細，同埋岩岩黑雨完d水好濁，不過我地都過左好開心既一日。

又游水，又曬太陽(有人仲特登買左支黑鬼油入去搽 :p)，又埋沙又盛，玩到五點幾就出返去食飯。夜晚係九龍灣大榮華食飯，嗌左成十碟野每人埋單都唔洗一舊水，實在係太超值啦~