影相forum

近排係屋企悶到發瘋，乜q野都睇得一餐，煲相機forum成為左其中一個消磨時間既好去處

睇睇下....就睇埋人地d簽名，發覺十個有九個半既人係會將佢地自己既架生曬出黎，好似以下咁....
CANON 50D + BG-E2N
CANON 400D + BG-E3
EF-S 10~22
EF 24~105 L
EF 100~400 L
VELBON 635A + PHOTOCLAM PC40

最頂癮既係...個L字，注意，係一定要用紅色字同埋大草呀，唔係就show唔到個種貴鏡同高人一等既感覺，每一次見到呢d簽名都覺得好好笑。
又諗返，如果用一支普通既鏡影到張好靚既相，係咪應該更加值得show?
又其實，如果影左張好靚既相，又有邊個會問你用咩鏡影?

跟住...又會睇到好多好好笑既問答
問: 50.4同50.8邊支好d?
答: 當然50.4會好過50.8喇...唔計價錢的話
但係...點解? 點解係當然? 完全冇解到

最最最好笑既人就係擺兩三支鏡上去問人買邊支好
有人話a有人話b有人話c仲有人話d,e,f,g...
傾左十版，出左個唔normal既distribution，支支鏡都有佢fans，我又唔相信樓主可以因為呢d comment而make到decision。

算啦，廢up左咁耐都係想消磨下一個無出街又唔想做功課既星期五jei.....

7

估唔到咁多日冇打blog，今日一update就係想記低一件7事，用黎提醒自己唔好再犯

話說今日要出business trip去星加坡，咁晨咁早拎曬行李出門口，仲懶型咁去左hku影grad相啦，又懶型咁唔做online checkin啦，去到機場想試下self check-in，一去到先發覺原來我唔記得帶passport!!!
頂，梗係之前返大陸返得太開心，一拎銀包就走，依家領野啦，仲要唔做online checkin，如果做左可能都會remind自己帶passport，真係7到爆。好在咁岩阿媽係屋企可以拎黎機場，最後都好驚險地趕得切啫，唔係就真係7上加7啦.....唉><

出左咁多次門都未試過，今次搞乜.....?