Move~

決定左

會過去一間細既美國vendor度闖下，雖然佢係香港連公司都未reg，而且office都未租。放棄依家呢份大公司既工去做值唔值得?呢個問題一直都煩左我好耐，不過我總覺得依家唔出去闖咪盞第日乜機會都冇，年紀愈大，要顧既野愈多，轉工既機會成本都會愈黎愈高，雖然我呢個決定可能有d任性，但係，就等我任性下啦，冇乜幾可既。

我個客唔知係邊度收到風，知我想轉會，呢兩日都有唔同既人黎問我想唔想過佢地度做，聽到佢地咁講我都好開心，雖然我最後offer都冇聽就reject左，但係都證明呢三年我冇白做，relationship係要build on trust既!

諗住係呢度做到六月尾，再去旅行，七月中先返新工，今次應該會等到五月中先同我老細講啦。好老實講，真係好唔捨得呢度，如果一早有得internal transfer，我應該唔會走。去度新公司，就唔會有一班咁好玩既同事，唔會有個咁睇我既老細，做野唔順利就冇人俾我呻，不過冇辦法，因為呢度真係愈黎愈學唔到野。所以，我覺得都係時候要轉一轉。

anyway，祝我好運啦............

難得好天氣

今個清明微雨，雨後既兩日星期六、日都勁好天
好耐冇係香港見到藍天白雲啦 =D
本來諗住搵日去影相既，但係好可惜地因為production problem既關係星期五六都係公司渡過。星期日終於可以出去打波啦，天色真係好好，望到個人都開心曬，可惜一幅相都冇影到，哈哈。

再一次證明自己完來都未算得好老jei，星期五通左頂救鑊星期六晚都仲有精神去通k。不過，其實星期五救鑊都唔算太開心，因為佢搞到我拜唔到山，而深圳個同事又乜都冇做到，我星期六晚走個時打左俾佢，真係頂唔順少左佢幾句，跟手今日俾返d野佢做。唉，無疑佢地technical係好過我，但係，真係冇乜責任感，一d ownership都冇，出黎做野點可以咁不負責任家!

近呢兩個星期開始返job hunting，係度做到真係太悶啦，同埋做左太多年，我真係好想好想出去見識下出面既世界.....趁後生!