由星期五開始，到星期日，我都只係係屋企食左一餐飯咁大把:p 蒲足兩日兩夜呀絕對係
星期五放工就走左去同舊同事唱通k 慶一慶sarah姐生日，好彩o一ot jer，唔係我就會係一星期內第三 次食泉章居啦!! 後尾都係去左k食。
是日金句一，係mandy同sarah唱緊明愛暗戀補習社個時︰
我，指住個mv:「邊個係阿gil邊個係阿sa呀?我仲未分到....」
mandy，呆左︰「下?乜有分家咩?」
啞曬，跟住爆笑:p
是日金句二，係大家討論緊咸片名個時︰
sarah:「蕭瑟點解呀?」
clement︰「蕭瑟，咪disappear咁解啦。」
眾反應同上，哈
唱完五點九閃人，去翠華食左個早餐就返左去訓啦。
訓訓訓訓訓，就一點sarah又打黎，「喂，今晚得唔得閒，約緊打牌喎」....勁呀，好精力，通完訓四粒又再約人出黎玩，哈，如果我唔係同屋企人食飯十二點起左身.....哼哼
星期六，食食食日，話說之前個晚通完，十二點起身，一點食飯，跟住就約左爆石!!!!!yeah，十世冇見啦，中同聚飲下午茶，原來約下約下都幾多人，詳情請參照王諾謙od，仲有相tim~
下晝俾左中同，夜晚就約左大同去蒲吧，又去左貓貓地攤食野，d貓真係好得意，不過得閒去玩下好啦，唔好叫我養:p 跟住去左登龍街一幢全幢都係pub既大廈飲野，d酒真係......好貴，不過間野就幾靚，如果分埋吸煙同非吸煙區就更好啦......
星期日，五點九gut左起身，去左做bell boy，勁呀蒲姐同朱仔，跑得完半馬，我都冇乜信心:p
不過真係等到花兒也謝了....係pacific坐左好多好多粒鐘....最勁都係我部pda，竟然俾我玩足咁耐都仲有電!!唔，果然冇買錯野~
好，訓!聽日早d返去做野
No comments:
Post a Comment