壩業

第一次會bt新聞透視黎睇，呢兩集講大陸會起水壩既事。

話說大陸政府會係雲南三條江起成十幾廿個水壩，新聞透視就去訪問下d村民既睇法。發覺其實有好多人都係唔知會發生咩事，即係話...政府決定左要起啦，工程開始左啦，d人要被迫搬走個時先知咩事。睇返有個壩係九三年起好，成班村民俾政府呃走左，原本講好話賠乜賠物，到最後.....大家都知咩事啦。見到成個鎮起得最靚既樓係水庫既office，而應該得到賠償既百姓就要拾垃圾黎維持生計.....講得衰d個句，好好彩我唔係係大陸生活。

有二千幾年歷史既「古國」、自以為係世界中心既大國，點解d文化可以咁多年都冇改過，歷史不斷重演，高壓既政權、八成貪污既官、貧富懸殊既百姓，就算去到依家二十一世紀，一d都冇進步過，即管放長雙眼睇下，幾時去到「官逼民反」既地步......

睇呢兩集電視，真係有d心痛....當講到起水壩會浸左好多小數民族既居地，有人提出話呢d文化應該要保存，但係去訪問個「國家工程院院長」，佢話d小數民族既文化唔係文化，仲好意思大大聲咁話貧窮唔係文化，頂你個肺呀...乜q人黎家.......你有資格講咩叫文化咩?將所有農民搬曬出城市就叫脫貧?我又真係唔明貧同小數民族文化點解可以relate埋一齊....

唉，大陸政府再係咁做落去，莫講話收唔返台灣，就算叫我地想「愛國」都難啦!你憑乜呀?憑一個貪污風氣盛行既政府?一個去天安門拜祭當年被害死學生都會俾人拉既政府?
他媽的!