近日

好耐冇寫過日記
呢輪日日返到屋企都的唔起心肝
趕改assignment, 趕溫exam, 做苗圃，公司又爆爆地鑊，打亂左少少planning

終放搬左office啦，我張巴士poster終於可以重見天日啦，好感動^^


話說我TA既生涯就快完啦，手頭上淨返:
1. 改assignment2, mid term, 同埋assignment3
2. 監考

真係....都幾鬼多野做>< 少少evaluation啦，不過會有d technical野:
1. 我再一次confirm我唔係一個可以係academic界發展既人，讀返電腦對我黎講太吃力啦，更加唔好話教人 (我諗我老細想斬我咁滯:p)

2. 依家d學生真係有d每況愈下....個別啦，起碼我遇過既係...
2.1話說我改完assignment1啦，派返俾佢地，咁有日有兩個人黎搵我，話唔知點解咁低分，好，問下啦。第一個，我行唔到佢個program，check返係因為unix同windows既 "enter" character唔同左，所以將份code轉曬做unix character就行到啦，ok，俾返分佢。第二個，都係行唔到，咁睇下係咪都係character問題啦，依唔係喎....睇code，發覺係個execution個句寫錯左，岩個句應該係 ./xxx p1 p2 p3，不過佢寫左做 xxx "p1 p2 p3" 咁好明顯行唔到啦，佢話「你份assignment sheet都係寫做 xxx p1 p2 p3，咁我咪delete左個 ./ 囉」ok，呢樣我俾你過關，但係...你係d script度加個double quote，呢下先係死人既關鍵喎.....點知佢即刻扁咀....我個下呆左-_-，跟住我睇下睇下個login好鬼熟，諗諗下好似係有份炒功課既其中一個人啦，咁我就同佢講「你份功課同阿邊個邊個個份好似喎」跟手我就發覺佢有d眼水....講多兩講仲喊埋出黎！呀呀呀呀......唔洗呀嘛.....我又呆多一野-_-

2.2又話說我見到抄功課既仲有第pair，咁send email俾佢地叫佢黎我office解釋啦，send左唔show我，到第日淩晨一點半打俾我，冇錯，係淩晨，同我講係a君教b君做咁啦，所以咁似blah blah blah....咁最後我都受既。不過呢個都唔係重點，重點係我再第日check mail先見到a君原來打俾我之前reply左我email，上款「dear tutor」er...乜我冇名既咩? 第一句「i think u better make sure this first」er....u?? 我同佢msn緊?? 仲叫我make sure???我make sure左就唔洗搵你黎解釋，一野就ko你兩個啦!!咁即係，如果有日行街我偷左人野，有個差佬行埋黎同我講話我偷野個時我可以同返佢講「阿sir，我諗你最好make sure左先搵我返差館飲咖啡啦，唔好曬我時間解釋」，睇到封野真係把幾火，而為呢件事我都講左唔少粗口><，仲要佢係email度個解釋係不成立的....我心諗，如果你俾我睇到呢篇野先打俾我，而我都仲放過你我跟你姓又點話~打死我都唔信你冇抄呀，一模一樣咁滯

2.3assignment3 deadline前收到無數個電話問功課，有九成打黎都唔會講名，都算，跟住有個打黎話「我係琴日打過俾你個個呀」頂，琴日十九幾萬個人打過俾我啦，得你一個咩-_-

3.一定唔會做多一次TA，太辛苦啦返兩份工....唉

.乜鬼都學唔到，不過可能都因為我冇太俾心機落去做既，唔怪得人


好，講返我自己︰ 舊耳筒用左一年到，又壞，好consistent呀.....買左對新耳筒，好型，但好x貴!!


琴日考完finance第一個exam，炒ed，仲有做左個好低能既錯
有條題目問係1975年，墨西哥紙對美元就12對1，係1985年就208對1，問係呢十年墨西哥紙升/貶值左幾多?
咁傻既都知係貶值啦，但係我又唔記得條formula係咩，不過....percentage jer，都一係(208-12)/208 或者(12-208)/12 啦，計左一個，九十幾%，依，好似唔係好對路喎，貶左都幾多倍下喎....試過第個combination，計左千幾%，唔，呢個似樣，就寫左落去。跟住完左同我個同學傾返，貶值係點貶都唔會超過100%家喎，10->0係唔見左100%，但係1000->0都係唔見100% jer。依依依係喎，係數學上都冇可能發生。哎?....好鬼低能呀....

panda畢業，今日去左影相，第一次影raw，返到屋企唔識執.....想睇相就要等一等啦 :p

好，打住咁多先，返工，訓覺