不用帶batch上班的日子1-4/7

第一日
三點機飛北京，六點二到左首都機場，七點己經去到酒店
第一個感覺係超靚呀!! 上到房之後都仲係超靚呀!!
咁跟住即刻settle down就開電腦，點知.....上唔到網，激死
搞下搞下轉到第三間房先上得到網，個時已經係十點鐘，我先出到去食飯><

第二日
training，冇乜特別，只係坐我隔離個個係我同鄉，所以夜晚就同左佢兩丁友一齊出去玩
先去天安門，再去王府井大街食野，怒食小食!
跟住係東華門搵到我上次黎唔敢食既蠍子!上次冇食到真係超後悔，所以今次諗都冇諗到就買左黎食啦

第三日
夜晚去左后海，都有唔只一個fd同我推介過
去到行左陣，就有三班人我地去飲酒，聲稱有女陪!乜我地兩個個樣咁似嫖客咩=.="
後尾求其搵左間pub坐低，d野出其地貴，但係又好難食，呢餐食左兩舊幾水，係北京喎.....香港都冇咁豪啦

第四日
諗住去食填鴨，但係又唔想去多次王府井既全聚德，因為就咁去多次好似好白痴咁。跟手睇睇下書，話前門個邊有間利群烤鴨，咁就諗住去。去到行左陣搵唔到，問人佢指左一個方向，好，一行過去先發覺，頂，又係全聚德。哈哈，算啦，全聚德都ok~ 放時乎我地兩丁友ko左一隻鴨!!
ko完發覺好滯就諗住去飲杯茶，搵到一間老舍茶館，嘩，呢世仔都未飲過咁貴既茶。不過都值既，個環境勁正，live古箏，仲有人入黎沖茶+教飲茶，勁正!!

明日再續~~
訓~