ok我知，返緊工寫blog係一件好仆街既事，可能仲有好多會會話我份工做乜咁好咁free可以玩d既野，好老實講如果有得揀，我好想返返去一個人類既世界.....而唔係可以返工寫blog上fb之類咁囉....唔好再同我講點解我份工咁正，我自己悶死一角個時又有幾多人知!!
星期六去左朋友既生日會，發覺自己都係融入唔到呢個環境，係咪我同人social既能力真係差左? 總之好似對住咁多陌生人，突然間好似好驚咁，點解同以前既我好似有d唔同? 腦海中突然間又閃出一首歌，就係葉子，覺得呢兩句歌詞真係好中
孤單 是一個人的狂歡
狂歡 是一群人的孤單
尤其是當大家舉起酒杯，而我坐埋一二角旁觀個時，感覺真係從未試過咁清晰。寫到呢度，又突然間覺得其實唔係自己social能力差左，而係自己想同人social既意欲少左，我都好清楚知道，坐埋張枱度拎起杯酒就可以開始吹水，但係我真係冇乜意欲咁做。有時候，人愈多感覺愈寂寞，係咪現代人既通病?!定係淨係我有問題?
雖然我明白朋友既重要，但係都要學會自己一個人，有d野，係唔可以靠人幫我解決，可能，我都要學會享受一個人的狂歡=D
也許這時候的我，只需要一首傷心的歌來陪伴....
7 comments:
人愈大,這種感覺也會愈強.. 其實沒大關係,做回自己,舒服便好,不要想太多..只不過是對人際關係及玩樂這件事的觀感轉變了而已..
"酒逢知己千杯少,話不投機半句多" :)
係既
做返自己舒服d....
死啦羅老闆
我地係咪"老"左呢?
haha
唔好咁啦... 你需要既係一個正面既思想~
傷心既歌只會越聽越傷心.... 想出黎就我隨時都ok... 朋友是咁用的!
wayne,我ok既
不過我依家又真係好想hea一陣~
放心啦，我唔會有事既
仲唔係俾我傳染左：老喇!! :p
這篇post幾正喎，令我想起 - "Let him who cannot be alone beware of community; let him who is not in community beware of being alone."
-Dietrich Bonhoeffer 潘霍華
是一位有名神學家，牧師。
我覺得我們越成熟就越能於兩種情況也找到享受的原因。
haha
係既
仲學習緊~~
Post a Comment